Орчин үед илүүдэл үснээсээ салах олон аргууд байдаг болжээ. Эдгээр аргууд нь яг ямар аргууд болох мөн эдгээрийг хэрхэн хэрэгжүүлэх талаарх зөвлөгөөг энэ удаад хүргэе.
Үс арилгах гол 2 арга байдаг:
- Depilation: Бидний хамгийн сайн мэдэх арьсны өнгөн хэсэг дээрх үсийг цэвэрлэх арга. Энэ аргад үсийг хусах болон тосон түрхлэг түрхэж цэвэрлэх аргууд байдаг.
- Epilation: Үсийг урт хугацаагаар болон бүр мөсөн арилгах аргууд багтдаг.
- Урт хугацаагаар арилгах аргад. Waxing, helawa, зулгаах, утсаар цэвэрлэх аргууд байдаг. Энэ арга нь үсний булцууг устгалгүйгээр зөвхөн үсийг татаж гаргах арга юм.
- Бүр мөсөн арилгах аргад. Лазер болон IPL гэрлэн эмчилгээ, Elektroepilation багтдаг. энхний 2 аргыг зөвхөн бараан өнгийн үсэнд ашигладаг бол, цайвар өнгийн үсэнд elektroapilation-ы аргийг ашигладаг байна.
Хүн бүрийн ашигладаг энгийн аргуудаас танилцуулъя.
Биений илүүдэл үс арилгах хамгийн түгээмэл, хурдан бөгөөд амархан арга бол хусах арга юм. Зарим хүмүүс эмэгтэйчүүдэд зориулсан хөөс, гель нь эрчүүдэд зориулсан сахлын хөөс гелээс нэг их ялгарах зүйлгүй гээд байдаг. Эрчүүдэд зориулсан сахлын хөөс нь эмэгтэйчүүдэд зориулсан хөөсийг бодвол илүү спиртлэг, ширүүн чанартай байдаг. Өөрөөр хэлбэл, суга цавь орчмын үсийг хусах гэж байгаа бол сахлын хөөс ашиглах хэрэггүй. Сахлын хөөс арьсыг илүү хуурайшуулж, хорсгох талтай. Тийм болохоор болж өгвөл зориулалтын биений хөөс ашиглах нь зөв.
Хусах аргын нэг том дутагдалтай тал нь илүүдэл үсийг хуссаны дараа үс маш хурдан ургадаг. Ер нь бол бараг өдөр болгон хусах шаардлагатай болдог. Мөн биений үс илүү харлаж өтгөн ургаж, арьс хөхөрч, дутуу хусагдсан жижиг үснүүд нь арьсны дотогш ургаж, арьсан дээр батга гарах зэрэг олон дутагдалтай талтай.
Мөн үс гуужуулагч тос бас байдаг. Ийм тосыг илүүдэл үсэн дээрээ түрхээд 15 минут орчим болоод зориулалтын хусуураар үсийг гуужуулдаг. Ийм тос үнэний хувьд харьцангуй хямдавтар байдаг ч нэг том дутагдал нь их хурц үнэртэй, эмзэг арьсанд тохиромжгүй. Олон дахин хэрэглэвэл арьсанд харшил өгөх магадлалтай. Хэрэглэхэд хялбар боловч үр дүнгийн хувьд татуургаар хуссантай адил үр дүнд хүрнэ.
Давуу тал: Үнэ хямд, цаг бага зарцуулагдана
Сул тал: Бараг өдөр бүр хусах шаардлага гарна, арьс хөхөрнө, үс илүү өтгөн, харлаж ургана.
Вакс нь дотроо хэд хэдэн янз байх боловч үндсэн хэрэглэх аргачлал нь ижил. Тусгай шингэн цавууг арьсандаа түрхээд үсийг хуулах арга юм. Энэ аргын давуу тал нь үсийг угаар нь авдаг учраас хэд хоногтоо л дахиж ваксдах талаар санаа зовохгүй байж болно. Илүүдэл үсээ ваксдсан тохиолдолд багадаа 3-7 хоног илүүдэл үсний талаар санаа зовохгүй байж болно.
Дутагдалтай тал: Халуун вакс түрхэх тохиолдолд нэгдүгээрт, цаг нэлээд зарцуулах шаардлагатай болно. Мөн халуун ваксаа санаандгүй гадуур нь асгасан тохиолдолд, дараа нь тэдгээрийг цэвэрлэх шаардлага гарна. Хэрэглэхэд тийм хэцүү биш ч амархан биш. Тэр дундаа цавь, суганы үсийг өөрөө ваксдаж арилгана гэдэг тийм ч амар ажил биш. Мөн маш их өвдөнө. Миний хувьд зөвлөхөд ваксдахаасаа өмнө суга, цавь орчмын үсээ хайчаар хайчилж багасгах хэрэгтэй. Хэт их багасгавал үс нь ваксдаа сайн наалдаж өгөхгүй байх талтай учир тэрийг бодолцож үсийг багасгах хэрэгтэй.
Хүйтэн вакс халуун ваксыг бодвол хэрэглэхэд хялбар боловч үнэ өртөгийн хувьд илүү өндөр үнэтэй тусах магадлалтай.
Монголоор энэ төхөөрөмжийг юу гэж нэрлэхийг мэдэхгүй байгаа учир нэрийг нь энэ чигээр нь орууллаа. Энэ төхөөрөмжийн ажиллах зарчим нь их энгийн. Epilator нь дотроо жижиг дисктэй, дискэн дээр олон тооны жижиг хямсаануудтай. Тэдгээр жижиг хямсаанууд нь диск эргэлдэх үед биеийн үснүүдийг түүж, татах маягаар үсийг арилгадаг. Үр дүн нь вакс хэрэглэсэнтэй адил байна.
Суга, цавь орчмын бүдүүн ширхэгтэй үснүүдийг авахад эхний хэдэн удаа маш их өвдөнө. Үсний хэмжээ урт, олон ширхэгтэй байх тусам өвдөлт их байна. Тийм болохоор үсийг эхлээд хайчаар богиносгож тайрах хэрэгтэй. Тэгээд үсийг захаас нь бага багаар ахих маягаар үсийг арилгана. Хэрэглэхэд хялбар, вакстай харьцуулахад хурдан, суга, цавины үсийг авах тал дээр олон давуу талтай. Татуургаар хусах аргыг бодвол илүүдэл үс авахад зарцуулагдах хугацаа илүү удаан байх магадлалтай. Гэвч үсийг ойр ойрхон арилгах шаардлагагүй. Мөн нүүр, уруул хавийн үсийг арилгаж болно. Хэрэглэх тусам үсний ширхэг нарийсч болон тоо багасах хандлагатай. Гэхдээ үс ургахаа огт болихгүй гэдгийг анхаарах хэрэгтэй.
Epilator нь хямсааны тоо, хэмжээ, фирм, онцлогоосоо шалтгаалаад үнийн хувьд нэлээд ялгаатай байна. Зарим epilator баттерейгүй, тогонд залгаж ажилладаг байхад зарим нь баттерейтай учраас тоггүй орчинд ч ажиллах боломжтой байдаг. Ихэнх epilator зөвхөн баттерейгаар ажиллуулахад тасралтгүй 40 орчим минут ажиллах боломжтой байдаг. Мөн усан дотор ажилладаг, усны хамгаалалттай эпиляторууд бий. Би хувьдаа усан дотор ажилладаг эпиляторыг санал болгоно. Учир нь шүршүүрт юмуу ваннд усанд орж байхдаа эпиляторыг ашиглавал хуурай нөхцөлд ашиглахаас хамаагүй бага өвдөлт мэдрэгдэхээс гадна, үсийг арилгахад хамаагүй хялбар байдаг.
Лазераар үс арилгахад хамгийн том давуу тал нь үс ургалтыг зогсоодогт байгаа юм. Гэхдээ үс ургалтыг зогсоох нь арьсны нүх, сүв, арьсанд ямар нөлөө үзүүлж би хэлж мэдэхгүй юм. Лазераар үс арилгах аргыг салонуудад ихээр хийдэг. Үнийн хувьд нэлээд өндөр үнэтэй. Мөн тусгай лазер төхөөрөмжийг худалдаж аваад ашиглаж болох боловч эхний ээлжинд энэ төрлийн үйлчилгээний талаар сайтар судалж, мэдсэний дараа энэ үйлчилгээг хийлгэх эсэхээ шийдэх нь зөв байх гэж бодож байна.
Ер нь суга, цавины үсийг арилгаад байх нь зөв үү?
Энэ асуулттай олон эмэгтэйчүүд тулгардаг байх гэж би бодож байна. Миний зүгээс зөвлөхөд онцын шаардлагагүй бол суга, цавины үсийг арилгах гээд байх хэрэггүй боловуу гэж бодож байна. Учир нь тэдгээр үснүүд зүгээр л ургачихсан илүүдэл үс биш, бас байгалиас заяасан онцгой үүрэгтэй эд бололтой юм билээ. Ялангуяа эмзэг эрхтний орчмын үс бэлэг эрхтэнд гаднаас нян бактери орж үүрлэхээс доторхой хэмжээгээр хамгаалж байдаг юм байна. Мөн суганы үс ч ийм үүрэг гүйцэтгэдэг. Тийм болохоор зайлшгүй шаардлага байхгүй л бол (ханцуйгүй майк, даашинз өмсөх ч юмуу) тэр орчмын үснүүдийг арилгахгүй байх нь зөв шүү. Мөн үс хусах тоолонд тэдгээр эмзэг арьс цочирч байдаг учраас болж өгвөл хусах, ваксдах, хямсаадах аль ч аргаар нь байсан гэсэн дэмий арьсаа цочроогоод байх шаардлагагүй шүү дээ.
Энэ хэсгийн үсийг арилгахад их учир бий. Ваксаар сайн арилахгүй тал байдаг. Учир нь үсний ширхэг жижиг, богино учраас сайн ваксд наалдаж авагдахгүй байх шиг санагдаад байдаг юм. Энэ үед хямсаагаар авах нь хамгийн боломжтой санаа. Уруулын эргэн тойрны үсийг авахад зориулсан жижиг хэмжээний эпиляторууд байдаг. Гэхдээ нүүрний эргэн тойрон, тэр дундаа уруулын эргэн тойрон, хөмсөгний эргэн тойрны мэдрэмтгий хэсгүүдийн үсийг эпилятороор авахад их өвддөг, мөн тэр хэсгийн арьс их цочирдог болохоор тохиромжгүй санагдаад байдаг юм.
Тийм учраас би энэ зурагт үзүүлсэн бүтээгдэхүүнийг нүүрний эргэн тойрон буй илүүдэл шар үсийг авахад хамгийн тохиромжтой бүтээгдэхүүн гэж хувьдаа боддог юм. Үнийн хувьд тун боломжийн. Amazon дээр 3 орчим долларын үнэтэй зарагдаж байгааг зурган дээрх линк дээр дарж үзэж болно. Мөн үүнтэй төстэй өөр нэгэн бүтээгдэхүүн бас бий. Ажиллах зарчим нь бол ижил. Гэхдээ үнэ нь арай хямдавтар байх тал бий.
Хүн бүрийн ихэвчлэн хэрэглэдэг аргууд бол илүүдэл үсээ хусах арга байдаг. Биеийн илүүдэл үсийг хусахдаа зөв, чанартай, зориулалтын татуурга хэрэглэх хэрэгтэй татуурга авахдаа ямар ч хамаагүй татуурга хэрэглэх нь таны арьсыг гэмтээх аюултай байдаг тул та үүнд анхаараарай. Бидний танд санал болгох хамгийн шилдэг брэнд бол Gillette.
Gillette брэндийн татуурга нь үсийг маш сайн, ор мөргүй, хусахаас гадна арьсыг хамгаалах гелэн бүрхүүл байдаг байна.
