Хүүхдийн хөгжмийн боловсролыг багаас нь дэмжих нь зөв хүмүүжилтэй, төлөвшил сайтай болоход чухал нөлөө үзүүлдэг. Хөгжимтэй нөхөрлөснөөр хүүхдийн математик сэтгэхүй, сэтгэн бодох чадвар хөгждөг. 

Бага насны хүүхдүүдэд анх сурахад хамгийн тохиромжтой хөгжмийн зэмсгүүдийн нэг нь бишгүүр хөгжим юм.

Бишгүүр хөгжим хүүхдэд зөв амьсгалж сурах амьсгалын дасгал болдог. Бишгүүр хөгжмөөр өдөр бүр хичээллэснээр уушгины багтаамж илүү нээгдэж таны хүүхдийг зөв хэвшилд оруулдаг байна. Бишгүүр нь жижиг нүхэн хэсгүүдээс бүрддэг ба дуу чимээг олон янзаар гаргадаг. Мөн бишгүүр тоглох үед хурууны үзүүрт байдаг мэдрэлийн эсүүд идэвхтэй ажиллаж баруун, зүүн тархи зэрэг хөгжихөд тусалдаг байна.

Бишгүүр хөгжмийн тухай та бүхэнд сонирхолтой мэдээллийг хүргье.

XVI-XIX-р зуунд монгол оронд Буддын шашин нэвтэрч сүм хийдэд өвөрмөц хөгжмийн зэмсгүүд дэлгэрч байсан бөгөөд тэдгээрийн дотор Дун бүрээ, Ганлин, Гандан, Их бүрээ, Годил бүрээ, Хэнгэрэг, Цан, Хонх, Дамар Бишгүүр зэрэг үлээвэр ба цохивор хөгжмүүд зонхилдог байжээ.

Бишгүүрийн дуу нь тэнгэрийн галбингаа шувууны жиргэх аянаас авсан бөгөөд тэрхүү аяыг адилтган дуурайлган тоглодог гэсэн домог яриа байдаг байна

Эцэст нь хэлэхэд хөгжим хүний сэтгэлийг тайвшруулан амрааж, баяр цэнгэл, аз жаргал, сэтгэл ханамж өгдөг тул царайны төрх гоо үзэсгэлэнтэй болдог тухай судлаач Маруо бичсэн байдаг. Эрдэмтдийн судалгаагаар хүүхдийг эхийн хэвлийд байхад нь уянгын хөгжим, аяз сонсгон ажиглалт хийхэд эдгээр хүүхдүүд төрсний дараа аливаад тайван итгэлтэй ханддаг, хэлд орохдоо хурдан, ойлгоц сайтай, бас баяр баясгалантай байсан нь хөгжим хүнийг тайтгаруулаад зогсохгүй ой тогтоолт сэтгэхүйд нь хүртэл сайнаар нөлөөлдгийг баталсан байна.