Худалдааны нэршил:

Силвердерм

Олон улсын нэршил:

Мөнгөний сульфадиазин

Ерөнхий шинж:

Цагаан өнгийн крем

Эм судлалын үйлдэл:

Мөнгөний сульфадиазин нь Pseudomnas aeruginosa –г оролцуулаад Грам-эерэг, Грам-сөрөг бактер зэрэг бактерийн эсрэг, мөн зарим хөрөнгө мөөг, мөөгөнцөрийн эсрэг өргөн хүрээний үйлдэлтэй. Силвер сульфадиазин нь эсийн мембран, эсийн хананд үйлчилдэг, үйлдэл нь аминобензойны хүчлээр (р-аминобензойны хүчил) сулардаггүй.
Мөнгөний сульфадиазин нь шүүдэстэй шархан дээр түрхэхэд шимэгддэггүй нь ажиглагдсан. Сульфадиазиныг чөлөөлсөний дүнд уураг, сульфидрил бүлэг, натрийн хлоридтой харилцан үйлчилнэ.
Ялангуяа хоёрдугаар зэргийн түлэгдэлтийн үед мөнгөний сульфадиазиныг түрхсэнээр түрхсэн хэсгээс системийн шимэгдэлт явагдаж болзошгүй. Цусан дахь концентраци нэг мл тутамд 10-20микрограмм (мкг) байх ба түүнчлэн биед том хэмжээний талбайд түрхэж эмчлэхэд үүнээс өндөр концентрацид хүрч болно.

Хэрэглэх заалт:

Түлэгдэлтийн шархны халдварын эмчилгээ болон урьдчилан сэргийлэлтэнд хэрэглэнэ. Мөн арьсны бусад эмгэгийн богино хугацааны эмчилгээнд нэмэлт байдлаар тухайлбал хөлний шархлааны эдгэрэлтэнд халдвараас сэргийлэх, арьсны нөхөн төлжилтийн үед халдвараас сэргийлэх зорилгоор хэрэглэнэ.

Хориглох заалт:

Силвердерм крем нь силвер сульфадиазинд эсвэл бэлдмэлийн найрлага дахь цетилийн алкохол, пропилен гликоль зэрэг аль нэг бодист хэт мэдрэг бол хэрэглэхийг цээрлэнэ.
Силвердерм крем -ийг жирэмсэн эмэгтэйчүүд, дутуу төрсөн нярай, амьдралын эхний 2 сар доторх шинэ төрсөн нярай зэрэгт хэрэглэвэл сульфонамид эмчилгээ нь нярайн шарлалт (керниктерус)–ийг ихэсгэж болзошгүй тул хэрэглэж болохгүй.

Гаж нөлөө:

Халуу оргих, арьс гэрэлд мэдрэгших, загатнах, тууралт гарах, арьсны өнгө бор-саарал болж өөрчлөгдөх зэрэг гаж нөлөө ихэвчлэн илэрдэг.
Мөнгөний сульфадиазиныг биед их хэмжээний талбайд эсвэл хэт удаан хугацаагаар хэрэглэхэд системийн шимэгдэлт явагдаж аргироз, сульфонамидын гаж нөлөөний өвөрмөц хэлбэрүүд үүсч болзошгүй. Эдгээр хариу урвалуудад агранулоцитоз, нөхөн төлжилгүйдлийн цус багадалт, цусны ялтасны тоо цөөрөх, цагаан эсийн тоо багасах, цус задралын цус багадалт зэрэг цусны эсүүдийн үзүүлэлтүүд өөрчлөгдөх, Стивен-Жонсоны хам шинж зэрэг арьсны болон харшлын хариу урвалууд хамаарна.

Анхааруулга:

Мөнгөний сульфадиазиныг бөөр, элэгний эмгэгтэй эмчлүүлэгчдэд болгоомжтой хэрэглэх хэрэгтэй. Ийм эмчлүүлэгчдэд, их талбай хамарсан түлэгдэлтийн үед сульфадиазины хуримтлал үүсч болзошгүй. Хэрэв хуримтлагдсан шинж тэмдэг илрэн, эмчилгээний үр ашиг нь үүсч болох эрсдэлээс илүүтэй байж чадахгүй бол Силвердерм крем –ыг хэрэглэхээ зогсоох хэрэгтэйг анхаарна.
Уураг задлах хэсгийн ферментүүдтэй Силвердерм крем–ийг хамт хэрэглэхдээ анхаарна. Мөнгөний сульфадиазин нь дээрх ферментийг идэвхигүйжүүлж болзошгүй ба шархны тав хуулралтыг удаашруулж улмаар тавыг хуулах шаардлагатай болж болзошгүй.
Том хэмжээний талбай хамарсан түлэгдэлттэй эмчлүүлэгчдэд сульфонамидын сийвэн дэхь концентраци, бөөрний үйл ажиллагааг хянах шаардлагатай. Эмчилгээний өмнө, эмчилгээний үеэр шээсний шинжилгээ хийж шээсээр талст ялгарч буй эсэх мөн бөөрний үйл ажиллагааны эмгэгтэй эмчлүүлэгчдэд эсвэл өндөр тунгаар эмчлэх үед, удаан хугацааны эмчилгээний үед эмчлүүлэгчдэд шээсэнд кальцийн хуримтлал үүсч буй эсэхийг тодорхойлно. Силвердерм крем –д агуулагдах пропилен гликол нь шимэгдсэнээр сийвэнгийн осмос чанарт нөлөөлж лабораторийн зарим шинжилгээний үр дүнг өөрчилж болзошгүй.
Силвердерм крем–ыг мөнгөний сульфадиазинд хэт мэдрэг эмчлүүлэгчдэд болгоомжтой хэрэглэх шаардлагатай. Хэрэв эмчилгээний үед харшлын урвал илэрвэл эмийг хэрэглэхээ зогсоох хэрэгтэй. Мөнгөний сульфадиазин болон бусад сульфонамидуудын хооронд зөрмөл хэт мэдрэгшил үүсч болзошгүй.
Силвердерм крем–ыг глюкоз-6-фосфат дегидрогеназын (Г6ФД) дутагдалтай эмчлүүлэгчдэд хэрэглэхэд цус задралын цус багадалт үүсч болзошгүй.

Жирэмсэн ба хөхүүл үед

Мөнгөний сульфодиазиныг хүнд хэрэглэх ердийн тунгаас 3-10 дахин өндөр тунгаар туулайд хэрэглэн нөхөн үржихүйн судалгааг хийж гүйцэтгэхэд урагт хортой нөлөө үзүүлээгүй. Гэхдээ жирэмсэн эмэгтэйчүүдийг хамруулсан хангалттай хэмжээний, сайтар хяналтат судалгаа байхгүй учраас жирэмсэн үед эмийг зөвхөн зайлшгүй шаардлагатай үед л хэрэглэх ёстой.
Мөнгөний сульфадиазин нь хүний хөхний сүүгээр ялгардаг эсэх нь тодорхойгүй. Гэхдээ сульфонамидууд нь хүний хөхний сүүгээр ялгардаг ба сульфонамидын уламжлал нь нярайн шарлалт (керниктерус) үүсгэж болзошгүй. Тиймээс мөнгөний сульфадиазиныг хөхүүл эхэд болгоомжтой хэрэглэнэ.

Эмийн харилцан нөлөөлөл

Мөнгө агуулсан мөнгөний сульфадиазин нь шарх цэвэрлэх фермент агуулсан бэлдмэлүүдийг идэвхигүйжүүлж болзошгүй тул хамт хэрэглэхэд зохимжгүй.
Том хэмжээний түлэгдэлтийн үед сульфадиазинын сийвэн дэх түвшин эмчилгээний түвшинд хүрч энэ нь системээр хэрэглэсэн зарим эмэнд ялангуяа цусны сахар бууруулах ууж хэрэглэдэг эмүүд, фенитойн зэрэгт нөлөөлж гаж нөлөөг хүчжүүлж болзошгүй. Иймээс эдгээр эмүүдийн цусан дахь түвшинг хянах шаардлагатай.

Хэрэглэх арга:

Силвердерм крем–ыг ариун бээлий эсвэл хусуур ашиглан өдөрт нэг эсвэл хоёр удаа 1.5мм зузаантайгаар түлэгдсэн гэмтсэн хэсгийг цэвэрлээд хэсэг газарт түрхэнэ. Ерөнхийдөө боох шаардлагагүй боловч боолт хийж болно. Түлэгдэлтийн шарх гэмтсэн хэсэг халдварлаж болзошгүй үед удаан хугацаагаар түрхэх буюу эмчийн зааснаар хэрэглэнэ. Шаардлагатай тохиолдолд кремийг арилгаад дахин түрхэх хэрэгтэй. Силвердерм крем –ийн эмчилгээг шарх нөхөн төлжих буюу түлэгдсэн хэсгийг нөхөн төлжихөд бэлэн болох хүртэл үргэлжлүүлэх шаардлагатай.

Тун хэтрэлтийн шинж тэмдэг ба эмчилгээ

Силвердерм крем–ийн тун хэтэрсэн тохиолдол бага хэдий ч сульфадиазины хуримтлал ажиглагдвал уг кремийг хэрэглэхээ зогсоохыг анхаарна. Гэхдээ удаан хугацаагаар/өндөр тунгаар хэрэглэж байгаа эмчлүүлэгч, бөөрний үйл ажиллагааны эмгэгтэй эмчлүүлэгчдэд шээсээр талст ялгарах шинж илэрч болзошгүй тул үргэлжлүүлэн хянах шаардлагатай.